拾金之旅

坪洲街坊古巴籍教授阿輝（Eduardo）同美玲，周不時會去大嶼山執牛糞堆肥。今次嘅拾糞團會由坪洲阿輝同美玲屋企出發，先介紹牛糞堆肥嘅豐碩成果，然後一齊搭船去梅窩尋找遍地黃金，順便講吓人牛相處嘅大嶼山生態。最後，參加者會拎住鮮牛糞，去梅窩農埸「Winnie the Farm」齊齊堆肥，為人牛共處嘅生態循環出糞少少力。

阿輝、陳美玲、消閑農場

阿輝 — 前古巴哈瓦那農業大學教授

陳美玲 — 前古巴生態農業研究者

消閑農場 — 農場位於梅窩大地塘，採用天然耕種方法，不用化學農藥。另不定期舉辦活動，例如與土地教育基金合辦農耕體驗課程及導賞，以推廣本地農業發展。